Plantun de Prouvènço

Pèr coumpara dos planto d'encò nostre

Abies alba & Adiantum capillus-veneris

Sapin

Abies alba

Pinaceae

Àutri noum : Sap, Sapino, Abet, Sapi.

Noms en français : Sapin pectiné, Sapin blanc.

Descripcioun :
Pèr pas s'engana emé la serento fau regarda coume soun lis aguio o peréu li pigno (o vacheto). Li fueio dóu sapin soun tóuti dins lou meme plan coume un penche, au contro de li de la serento que soun estacado tout à l'entour de la ramo coume uno brosso. De nouta pamens qu'acò marcho pas pèr d'ùni sap fourestié (coume Abies pinsapo). Li pigno, quouro li poudès vèire, se tènon bèn drecho, alor qu'encò de la serento pendoulon.

Usanço :
La pegoulo (bijoun) dóu sapin èi di proun vulneràri. Ero acampado emé de boutihoun coupa en biais e tanca dins li bosso de la rusclo (O. Madon). S'emplegavo en emplastro sus lis estorso (P. Lieutaghi) o dins li tisano contro lou toussi.

Port : Aubre
Taio : 10 à 50 m
Fueio : aguio escaumo
Tipe bioulougico : Faneroufite
Cicle bioulougico : Planto renadivo

Gènre : Abies
Famiho : Pinaceae

Ordre : Pinales

Coulour de la flour : Roso
Petalo : ges
Ø (o loungour) enflourejado : 10 à 15 cm
Flourido : Printèms - Estiéu

Sòu : Ca
Autour basso e auto : 400 à 1900 m
Aparado : Noun
Abriéu à juliet

Liò : Sapiniero - Faio
Estànci : Subremediterran à Subaupen
Couroulougi : Ouroufito-Éuropenco
Ref. sc. : Abies alba Mill., 1768

Capilàri

Adiantum capillus-veneris

Pteridaceae Adiantaceae

Autre noum : Capilèro.

Noms en français : Capillaire, Cheveu-de-Vénus.

Descripcioun :
La capilàri trachis sus li roucas tressusant e proche de font, dins d'endré bagna. Fai de foundo primo e descoupado que dounon d'èr à de ventau. Lis espourange negre vènon sus li bord de dessouto di foundo.

Usanço :
La capilàri es anti-enflamativo, èi majamen vertuouso contro li bouchito e li proublèmo urinàri (anti-cal). Se pren en tisano de planto entiero tres cop pèr jour.

Port : Pichoto planto lignouso
Taio : 10 à 35 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Adiantum
Famiho : Pteridaceae
Famiho classico : Adiantaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca (Si)
Autour basso e auto : 0 à 1200 m
Aparado : Noun
Jun à setèmbre

Liò : Roucas tressusant - Font - Pous
Estànci : Termoumediterran à Subremediterran
Couroulougi : Cousmoupoulito
Ref. sc. : Adiantum capillus-veneris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Abies alba & Adiantum capillus-veneris

ges

Coumpara Sapin emé uno autro planto

Coumpara Capilàri emé uno autro planto